LOADING

Type to search

Elin við at finna formin aftur

Kast tíðindi Uncategorized úrslit

Elin við at finna formin aftur

Spjótkast er ein grein, har longdirnar einamest koma sum úrslit av forspenni í kroppinum, sum er bygt upp umvegis timing av rørslum. Tískil eru ofta sera stór sving í avrikunum, m.a. hevur hann, sum var nógv tann besti í heiminum í fjør, kastað heilar 11 metrar styttri í ár, hóast eina, ífylgi honum sjálvum, góða venjing í allan vetur. Elin Niclasen hevur verið í eini líknandi støðu, tí eftir at hava banka ígjøgnum við einum massivum føroyskum metið í síðstu kapping í 2021, so hevur tað ikki riggað eins væl í kapping í ár. Hetta, hóast hon javnan kastar longri til venjing, enn hon megnaði uppá tað besta í fjør.

Eftir eina kapping í Danmark, har teknikkurin ikki sat, var avgjørt at byrja av n‎ýggjum, fyrst við einum steðgi, so við at fara heilt aftur til kjarnuna í tí einkla kastinum. Hetta hevur gingið væl, og eru tey løttu køstini við at koma aftur til venjing. Enn er stutt fráliðið, og tí var spennandi at vita, hvussu tað fór at hilnast, nú hon royndi seg í stórari kapping í Gøteborg.

Hon legði út við at kasta eitt lætt kast, uttan at leggja ov nógva orku í. Tekniskt sat tað væl, og longdin var eisini 35,04 m, tvs nakað tað sama sum tey løttu venjingarkastini hjá henni. Í næsta umfarið legði hon munandi meir orku í, og í royndini at fáa meir ferð á spjótið, gav hon eftir í vinstra beinin, og harvið misti hon bæði forspenni í kroppinum, og kom eisini at hála niður í spjótið (tvs hon hálaði fram, meðan spjótið peikaði meir upp). Triðja helt, stóð hon føst í vinstra beini, men nú var hon ov aktiv at hála aftur við vinstra armi, og gjørdi hetta, at kraftin fram forsvann og gjørdist kasti væl styttri. Í fjórða kom hon betur fram í kasti, og kom aftur útum 30 m strikuna. Fimta gjørdist yvirtrakk, meðan hon í sætta í síðsta byrjaði, at nærkast fyrsta kastinum reint tekniskt, men var enn ov aktiv við vinstra armi, og misti harvið forspenni, sum gevur tær stóru longdirnar. Hon gjørdist nummar 8 í U20 bólkinum, har nr. 1-3 høvdu enda ávikavist nr 1, 2 og 4 hjá kvinnunum.

At Elin megnar, at kasta útum 35 m tá hon kastar lættan, vísur at kapaciteturin til tey longu kastini er har. Nú verða smærri justeringar gjørdar fyri, at optimera møguleikan fyri at tann einkli teknikkurin eisini riggar, tá ferð kemur á.

Trending & Hot