LOADING

Type to search

Tinna og Dánjal runnu skjótt á 150 m.

sprint tíðindi úrslit

Tinna og Dánjal runnu skjótt á 150 m.

Í vikuskiftinum royndu Tinna Berg Jørgensen og Dánjal Dahl Ljósheim seg á tí óvanliga teininum 150 m í á  Østerbro Stadion.

Fyrst í eldin var Tinna, sum føldi at hon hevði runnið tveir harðar 100 m dagin fyri. Fleiri aðrar, sum skuldu renna, høvdu trekt seg, av somu orsøk. Avtala var at Tinna legði hart út fyrstu metrarnar, men so fokuseraði uppá at renna lættan, heldur enn at pressa ferðina. Hetta fyri at kunna nýta kappingina sum góða venjing. Hetta eydnaðist so mikið væl at Tinna við tíðini 19,86 sek gjørdist nr 5 í sínum riðli, og ognaði sær eitt pláss í finaluni. Met var tað tó ikki, tí fyri triðju ferð í trimum kappingum var undanvindurin ov nógvur (2,5 m/s). Hetta hóast vindurin var góðkendur í nógv teimum flestu kappingunum alt vikuskiftið. Í finaluni vísti Tinna at hon restituerar væl, tí hon megnaði aftur at renna undir 20 sek. Tíðin gjørdist 19,97 sek, og hesaferð var vindurin bara 0,7 m/s undan og harvið undir tað mest loyvda. So um 150 m verður góðkend sum met-grein eins og 300 m, 600 m osf, so ognaði hon sær harvið sítt fyrsta føroyska met.

Dánjal royndi seg beint eftir Tinnu. Hann hevði ein harðan 400 m í beinunum, men var tó væl fyri at royna. Venjingin hjá Dánjal hevur verði fokusera uppá úthaldni, og tí var spennandi at vita hvussu var við ferðini á styttra teininum. Her var serliga spennandi at vita hvussu starturin fór at sita, tí tað hevur verði veika punkti hjá Dánjal í vetur. Hesaferð sat hann, tí hann kom sum fyrsti maður úr svinginum, og tá Dánjal er komin framum, so verður hann ikki heintaður, so hann vann sín riðil. Tíðin hjá Dánjal gjørdist 16,86 sek (-0,3 m/s). So var tað finalan. Hesaferð sat starturin ikki eins væl, og kom Dánjal tí úr svinginum sum ein av teimum aftaru. Hann kempaði væl manglaði hann bara 0,16 sek í at ogna sær broncumerkið. Tíðin gjørdist 16,96 sek (1,4 m/s), so besta tíðin hjá føroyingi er tískil tey 16,86 sek Dánjal rann í innleiðandi riðlinum. Eins og hjá Tinnu, so vil hetta verða føroyskt met um teinurin er góðkendur til met, og í so fall vil tað vera fjórði einstaklinga met hjá Dánjal. Hann eigur í løtuni føroyska metið á 200 m og 400 m innandura umframt 300 m uttandura.

150 m teinurin:

Í stórum altjóða kappingum verður einans kappast á ávisum teinum, men ofta verða millumteinar sosum 300 m, 600 m, 1000 m osf eisini royndir. Eitt lutfallsliga nýtt skot á hesa stammuna er 150 m. Hesin teinur bleiv kendur tá olympisku meistararnir í 1996 á ávikavista 100 m (Donovan Bailey) og 200 m (Michael Johnson) møttust fyri at avgera hvør var tann besti sprintarin. Vinnarin fór avstað við einari millión dollars. Sjálv kappingin gjørdist eitt antiklimaks, tí Michael Johnson fekk skaða og steðgaði og sostatt vann Donovan Bailey uttan dyst.

Trending & Hot