Tórur Gull og Miso Bronsu á DM

Danska meistaraheitið fyri vaksin er hetta vikuskiftið og har luttaka bæði Tórur Mortensen og Miso Buha. Tórur, sum er fluttur til Aarhus, umboðar Aarhus 1900 meðan Miso, sum er fluttur til Keypmannahavn umboðar Sparta.

Tórur, sum umboðandi Danmark í Evropeiska meistaraheitinum fyri lið, bøtti munandi um tað Føroyska meti farna vikuskiftið, var stórfavorittur, meðan Miso, sum hevur lopið væl í ár, var outsidari til eitt heiðursmerki.

mynd: Dansk Atletik forbund

Miso legði út við at leypa 13,69 m, sum er 20 cm longri enn hansara persónliga met. Harvið legði hann seg á annað pláss í kappingini. Í øðrum umfari kom Tórur á talvuna við 13,33 m, sum tá rakk til eitt triðja pláss. Tórur vísti tó í triðja at hann, eisini ein ringan dag, er í einum klassa fyri seg, tí við at leypa 15,05 m tryggjaði hann sær effektivt sæð gullið. Dysturin um bronsuna var tó ikki av, tí í triðja umfarið var tað ein, sum fór framvið Miso, sum tískil lá á fjórða plássi undan fjórða umfarið. Miso svaraði tó aftur beinan vegin við at leypa heilar 13,78 m í fimta umfari. Hetta var 2 centimetrar longri enn hann, sum lá á triðja plássi. Síðsta umfar broytti onki, og soleiðis endaði tað við, at tvær hvirlur endaðu á pallinum í somu kapping í dysti um danska meistaraheitið.

Leave a Reply

Your email address will not be published. Required fields are marked *