Nú byrjar summarvenjingin á Tórsbreyt :)

Barnaliðið – hósdag kl.17 – 18

Miðlingaliðið – týsdag kl.17 – 18

  • Uml. 10 – 13 ár. (Miðlingaliðið er í tveimum bólkum, býttir eftir aldri)
  • Tey, sum vilja venja kast, kunnu umframt týsdagsvenjingina, melda seg til kastivenjing hósdag kl.16.30 – 18 hjá Rógva og Randi. Um hetta liðið verður fult, kunnu tit koma á bíðilista.
  • Tilmelding er á hvirlan@hvirlan.fo ella www.facebook.com/hvirlan
  • Venjingargjald – 500 kr. at flyta á 9181-166.834.1
  • Venjarar: Randi Kúrberg, Rógvi Højgaard, Guðrið Petersen, Lydia Simonsen, Dánjal Dahl Ljósheim og Benjamin Mikkelsen

Unglingaliðið

  • Uml. 13 ár – vaksin
  • Venjingartíðir
    • mánadag kl.17 – 18.30
    • týsdag kl.18 – 19.30  (Burn kl.19.30 – 20.30)
    • mikudag kl.16.30 – 18
    • hósdag kl.18 – 19.30  (Burn kl.19.30 – 20.30)
    • fríggjadag kl.17 – 19
    • leygardag – eginvenjing eftir venjingarskrá
  • Egin limaskapur krevst til Burn.
  • Møguligt er at venja allar greinar í frælsi ítróttini 1 – 6 ferðir um vikuna, einasta krav er, at hugurin at venja er til staðar.
  • Um áhugi er at royna seg, set teg so í samband við venjaran á telduposti hziska@olivant.fo), telefon (213775) ella á Facebook https://www.facebook.com/kjarnin
  • Venjingargjald – 500 kr. fyri eina ferð um vikuna og 800 kr fyri fleiri ferðir um vikuna. At flyta á konto 9181-166.834.1
  • Venjari: Heri Ziska

Tað ber altíð til at koma og at venja einar tríggjar ferðir fyri at finna út av, um hetta er nakað fyri teg, og so melda endaliga til aftaná tað.

Fylg við á www.hvirlan.fo ella á www.facebook.com/hvirlan

Tórur danmarksmeistari við føroyskum meti

Tórur Mortensen hevur áður luttikið í 3 kappingum innandura, og vunnið allar, umframt at hann hevur bøtt um føroyska metið innandura. Úrslitini gjørdu at hann byrjaði sum favorittur til at ogna sær gullið í kappingini.

Longu í fyrsta lopinum bøtti hann enn einaferð um føroyska metið. Hesaferð til 15,01 m, sum er 2 centimetrar longri enn metið hann setti fyri 14 døgum síðani. Í næstu trimum lopunum argaði atrenningin aftur, har hann kom ov langt niður í næstsíðsta fetið, og tí misti hann ov nógva ferð og fekk ov nógva hædd í fyrsta lopið. Hann var tó enn á einum tryggum fyrsta plássi, tá hann gjørdi klárur til at royna seg í fimta umfarið. Ferðin í atrenningin var á góðari leið, men hann var í so lágur tá hann kom inn á plankan, og tí var hann noyddur til at geva ov nógv eftir og harvið fekk hann ikki neyðugu kraftina í avsetti. Hann var tó tolin á plankanum og fekk tí ferðina við sær inn í næsta avsett umframt at hann fekk slyngu-effektina á avsett beini, sum harvið kom skjótt fram til at seta av til næsta lopið. Næsta lopið sat væl og somuleiðis tað síðsta. Hóast Tórur ikki kom inn á plankan í fyrsta lopinum, og harvið leyp minst 20 centimetrar frá har lopið bleiv máta, so gjørdist longdin 15,37 m. Harvið legði hann 36 centimetrar afturat føroyska metinum. Síðsta lopið miseydnaðist, men teir 15,37 m hann leyp í fimta umfarið, var næstan ein heilan metur longri enn tað besta hjá nummar tvey, so Tórur vann sostatt ein tryggan sigur og gjørdist sostatt danskur meistari fyri aðru fer.

Nú øll norðanlond hava gjøgnumført síni meistarheitir, og allir teir bestu hava lopið, liggur Tórur á einum sjeynda plássi á norðulendska avrikslistnum aftanfyri 4 sviðar og 2 finnar.

Tórur Mortensen bøtti um føroyska metið í trýstøkk

Í síni næstu kapping eftir at at Tórur flutti til Aarhus legði hann 21 centimetrar omaná føroyska metið. Metið, sum hann setti í somu høll, hann nú venur í, náddi sostatt at blíva 4 ár og 1 dag gamalt.

Kappingin byrjaði ikki eftir ætlan. Aftur hesaferð argaði atrenningin. Í fyrstu trimum lopunum miseydnaðist atrenningin heilt, og blivu tey tí ikki máta. Í fjórða tók hann eitt róligt lop, og kom út á 14,33 m, fyri aftur í næstsíðsta lopið at gera yvirtrakk. Tórur var sostatt 25 centimetrar aftanfyri tann fremsta undan síðsta umfarið. Her fekk hann tó betur skil á atrenningina, um enn ferðin ikki var optimal. Hann leypur tó væl, og tá máta var segði mátibandi 14,99 m. Føroyskt met og aftur vann hann kappingina.

Í løtuni er Tórur nummar tvey á norðurlendska avrikslistanum fyri veturin 2020-21. Enn er árið tó ungt, so vantandi fara fleiri at gera um seg, umframt at Tórur við verandi gongd vantandi tekur seg fram eisini. Um sammet verður við avrikslistan fyri 2019-20, sum var áðrenn Corona rakti, so hevði hann við úrslitinum í Aarhus ligið sum nummar 15 við ársenda.

Næsta kappingin hjá Tórur verður komandi vikuskiftið í Keypmannahavn, har hann vónandi fær atrenningina at sita betur. Eftir tað, er tað so dysturin um danska meistaraheitið eina viku seinni, sum er primera málið í vetur.