Úrslit frá kastikapping á Tórsbreyt

Kapping í olympisku kastigreinunum sunnudagin (22. feb.)
20.02.2009
Strævin, men gevandi venjing
26.02.2009

Úrslit frá kastikapping á Tórsbreyt

Hóast februar mánaður enn ikki er farin aftur um, so skipaði Hvirlan á tríðja sinni í 2009 fyri kapping í olympisku kastigreinunum. Hesaferð varð kappast í øllum greinunum á Tórsbreyt, og var tað sera hugaligt at kunna kappast undir so inspirerandi umstøðum. 

Fyrsta greinin var hamarkast har fýra mans og tvær kvinnur luttóku. Randi var ikki heilt so væl fyri sum ynskiligt var, men megnaði hóast hetta at kasta omanfyri 35 m. Tað er lítið at ivast í at hon ferð útum 40 m strikuna í summar. Eins og so ofta áður so var dysturin millum brøðurnar Una og Rógva øtiligur, men í síðsta umfarið setti Uni trumf á og vann dystin teirra millum við 30 cm.

Úrslitini í hamarkast vóru:

Bólkur Reiðskapur   Íðkari   Felag   Úrslit  
Kvinnur 4,00 kg   Randi Kúrberg   Hvirlan   35,42 m  
      Meifríð Hansen   Hvirlan   19,32 m  
Menn 7,26 kg   Heri Ziska   Hvirlan   40,92 m  
  Uni Højgaard   Hvirlan   26,77 m  
  Rógvi Højgaard   Hvirlan   26,47 m  
  Sigmund av Teigum   Hvirlan   16,42 m  

 

 

Næsta grein var diskuskast, og her vóru trýggir mans og ein kvinna við. Hóast glottar, so fekk Heri ikki nýggju tilgongdina til kasti at hanga saman. Tó er lítið at ivast í at potentialið í tí nýggja lærdóminum er stórt. Sigmund og Rógvi dystaðust um annað plássi, men hesaferð gjørdist Sigmundur, ið nýliga er byrjaður at venja diskuskasta, tann styttri.

Úrslitini í diskuskast vóru:

Bólkur Reiðskapur   Íðkari   Felag   Úrslit  
Kvinnur 1,00 kg   Meifríð Hansen   Hvirlan   26,80 m  
Menn 2,00 kg   Heri Ziska   Hvirlan   40,04 m  
  Rógvi Højgaard   Hvirlan   26,73 m  
  Sigmund av Teigum   Hvirlan   23,10 m  

 

 

Spjótkast var hesaferð ein undirhaldandi kapping har í brøðurnir Rógvi og Uni høvdu ein áhugaverdan dyst. Tó við tí broyting at Rógvi kastaði við vinstru hond. Uni átti munin, og tí valdi Rógvi at takað eitt róligt kast við høgru, og tað kláraði Uni so ikki at takað aftur. Tann ungi Helgi vísti enn einaferð at har eru møguleikar í honum, tí at hóast hann ikki fekk flog á spjótið, so náddi hann næstan 30 m strikuni allíkavæl.

Úrslitini í spjótkast vóru: 

Bólkur Reiðskapur   Íðkari   Felag   Úrslit  
Kvinnur 600 g   Randi Kúrberg   Hvirlan   28,34 m  
  Meifríð Hansen   Hvirlan   25,07 m  
Menn 800 g   Rógvi Højgaard   Hvirlan   31,49 m  
  Uni Højgaard   Hvirlan   26,59 m  
D16-17  700 g   Helgi Geyti   Hvirlan   29,04 m  

 

 

Seinasti dysturin var dysturin við teimum tungu stoypijarns kúlunum. Hjá monnunum var tað enn eina ferð ein dystur millum brøðurnar Rógva og Una. Báðir betraðu teir seg fleiri ferðir, men tá Rógvi stoytti kúluna útum 9 m strikuna mundi hann føla seg tryggan, men Uni var beint í hølunum tá hann beint aftaná rakti 9 m strikuna. Hetta vísti seg í báðum førðum at verða bestu royndirnar, og har vann Rógvi so við 10 cm. Báðir settu teir tó persónligt met.

Úrslitini í kúlustoyt vóru:

Bólkur Reiðskapur   Íðkari   Felag   Úrslit  
Kvinnur 4,00 kg   Randi Kúrberg   Hvirlan   8,33 m  
      Meifríð Hansen   Hvirlan   7,05 m  
Menn 7,26 kg   Rógvi Højgaard   Hvirlan   9,07 m   Persónligt met
  Uni Højgaard   Hvirlan   8,97 m   Persónligt met

Leave a Reply

Your email address will not be published. Required fields are marked *