Tórsbreyt nærkast

Tað sæst dagamunur á Tórsbreyt, nú góðveðrið er. Nú er liðugt at leggja gummibelegning á økini til teknisku greinarnar, so at tað í skrivandi løtu bara er rennibreytin, sum ikki hevur fingið gummi lagt á.

Sosialurin visti í gjár at siga frá, at um veðrið heldur sær, so verður Tórsbreyt klár at taka í nýtslu áðrenn ólavsøku. Nú nærkast sostatt í stórum, at vit kunna byrja at venja á nýggja frælsaøkinum, bæði á rennibreytini og á økinum til hinar frælsagreinarnar.