FM í ½ marathon 2016

Opnar kappingar á Tórsbreyt – Úrslit
04.05.2016
Rúni Jacobsen undir oyggjaleikakravið í fyrstu royndini
19.05.2016

FM í ½ marathon 2016

Leygardagin 14. mai, var FM ½ marathon í Klaksvík. Heili 130 fólk høvdu meldað til og harav komu 103 á mál.

Rutan var broytt eitt sindur, soleiðis at brekkan úti á Bumshamri var strikað og sosatt var teinurin væl slættari. Veðrið var av tí allar frægasta. 

Átta Hvirlur høvdu meldað til, men tríggjar teirra høvdu forfall og vóru tíverri ikki við.

Hóast fimm Hvirlur luttóku, var reyði liturin ikki at forsmáa.

Regin Arge rann sítt fyrsta ½ marathon nakrantíð og kom hann á mál við flottu tíðini 1.44,30. 

Páll H. Vesturbú, kom á mál við tíðini 1.32,25, og var hetta góðir 2 minuttir skjótari enn hann hevur runnið ½ marathon fyrr. Hann vann sín bólk í NS ½ marathon.

Hjá bæði Regin og Páll var kappingin ein liður í venjingini til marathon sum veður tann 4. juni.           

Hjá kvinnunum rann Adelaid Kirke eina góða tíð 1.50,13. Hon rann hesuferð væl betri enn hennara seinasta ½ marathon.

Birna Mohr Joensen, rann sera væl og tók góðar 4 minuttir av hennara bestu tíð. Við flottu tíðini 1.39,57 rann hon sær til eitt greitt triðja pláss í opna bólkinum og veteran bólkinum. 

Rigmor N. Arge, vann FM gull í opna og vetaran bólkinum, við tíðini 1.31,13.

Samanumtikið var hetta ein góður dagur hjá Hvirluni. Trý persónlig met (PR) og annars sera góð úrslit.

Screen Shot 2016-05-18 at 09.41.58 Screen Shot 2016-05-18 at 09.42.17 Screen Shot 2016-05-18 at 09.43.20 Screen Shot 2016-05-18 at 09.42.42 Screen Shot 2016-05-18 at 09.43.58

Myndirnar hevur Jóannes N. Poulsen tikin.

Leave a Reply

Your email address will not be published. Required fields are marked *